Një 65-vjeçar është vrarë më thike pasditen e sotme. Ngjarja ka ndodhur në fshatin Gështenjas në Pogradec, pas një konflikti mes dy personave. Sipas policisë, autori është një 63-vjeçar, i cili është shpallur në kërkim.
Ndërkohe policia po punon per zbardhjen e ngjarjes dhe po bëhet krehja e zonës me qëllim kapjen e autorit dhe vënien e tij para përgjegjësisë ligjore.
Pogradec/Informacion paraprak
Më datë 07.09.2022, rreth orës 17:50, në fshatin Gështenjas, Pogradec, gjatë një konflikti, shtetasi F. M., 63 vjeç, dyshohet se ka plagosur me mjet prerës (thikë) shtetasin S. H., rreth 65 vjeç, i cili u transportua në Spitalin e Pogradecit, ku si pasojë e plagëve të marra ka ndërruar jetë.
Nga ana e Policisë, po bëhet krehja e zonës me qëllim kapjen e autorit dhe vënien e tij para përgjegjësisë ligjore.
Grupi hetimor po punon për sqarimin e plotë të rrethanave të ngjarjes.
